Erítrea
Flagg

Helstu tölur og staðreyndir

Verg landsframleiðsla á hvern íbúa

1 411 PPP$

Aðrir áfangastaðir

Landafræði

Erítrea er lítið og þurrt strandríki sem teygir sig um það bil 1150 kílómetra frá norðri til suðurs. Láglendið í suðri liggur að hluta til undir sjávarmáli og er það hluti af Danakil-eyðimörkinni. Þar er loftslagið hlýtt og hitastigið getur farið upp undir 50°C. Landslagið einkennist af auðum steppum og eyðimerkurgróðri. Í norði er aftur á móti frjósamt hálendi sem er hluti af eþíópísku hásléttunni. Þar er loftslagið mildara og meðalhitastigið er í kringum 16°C. Skortur á vatni og miklir þurrkar eru stórt vandamál í Erítreu, eins og í öðrum löndum Austur-Afríku. Landið hefur ítrekað gengið í gegnum erfið þurrkatímabil og hefur það haft áhrif á landbúnaðinn og leitt til hungursneyða. Erítrea stendur frammi fyrir miklum umhverfisvandamálum svo sem skóga- og jarðvegseyðingu. Landið varð fyrir barðinu á miklum flóðum árið 2009 í kjölfar veðurfyrirbærisins El Niño.

Ecoprint

0.2 plánetunni Jörð

Ef allt mannkyn myndi neyta til jafns eins og gerist að meðaltali í Erítrea, þá þyrftum við 0.2 eintök af plánetunni Jörð.
Sjá vísir fyrir vistfræðileg áhrif.

Saga

Erítrea er ein af yngstu þjóðum heims. Áður var landið innlimað í mismunandi ríki en hefur nú verið sjálfstætt síðan 1993. Ítalir hertóku landið árið 1885, en voru reknir burt af Bretum í seinni heimstyrjöldinni. Erítrea var undir verndarvæng Breta fram til 1952,  en þá ákváðu Sameinuðu þjóðirnar að landið skyldi vera hluti af Eþíópíska keisaradæminu. Ríkjasambandið við Eþíópíu hafði í för með sér kúgun og undirokun á Erítreískri menningu og gildum. Erítrea var innlimuð í Eþíópíu árið 1962 og varð þá að eþíópísku héraði. Í kjölfar þess gerðu erítreískir þjóðernissinnar uppreisn og fylgdi þeirri uppreisn borgarastríð sem varði í þrjátíu ár. Erítrea sigraði Eþíópíu árið 1991, en árið 1998 braust út annað stríð á milli þjóðanna. Tveimur árum seinna skrifuðu þjóðirnar tvær undir friðarsáttmála, en þá höfðu 100.000 manns látið lífið. Stríðið við Eþíópíu setti stórt skarð í viðskiptalíf landsins og er Erítrea nú háð fjárhagslegum stuðningi frá öðrum löndum.

Samfélag og stjórnmál

Í Erítreu er aðeins einn löglegur stjórnmálaflokkur, „People's Front for Democracy and Justice“, og fer hann með stjórn í landinu. Fyrsti, og hingað til eini, forseti landsins er Afwerki Isaias, en hann var frelsisleiðtogi landsins í borgarastyrjöldinni við Eþíópíu. Enn eru óleystar landamæradeilur á milli Erítreu og Eþíópíu og á það stóran þátt í að hefta lýðræðislega og efnahagslega þróun í landinu. Almennar kosningar hafa lengi verið í bígerð, en sem stendur hefur þeim verið frestað um óákveðinn tíma. Þegar Erítrea varð sjálfstætt ríki var gerð stjórnarskrá sem hefur ekki enn verið tekin í gildi. Í landinu ríkir bráðabirgðaríkisstjórn og er pólitísk andstaða ekki leyfð. Bæði trúfrelsi og tjáningafrelsi er takmarkað. Allir fjölmiðlar eru í eigu ríkisins og stjórnað af því. Þrátt fyrir erfið skilyrði hafa nokkrar umbætur verið gerðar, vegakerfið hefur verið lagfært og endurbætt, auk þess sem vatnsleiðslur hafa verið byggðar. Í landinu eru ýmis félagsleg vandamál, en ólæsi er útbreytt og hlutfall atvinnulausra er hátt. Umskurður kvenna er einnig mjög útbreiddur, talið er að um 95% kvenna í landinu hafi verið umskornar.

Hagkerfi og viðskipti

Síðan Erítrea fékk sjálfstæði frá Eþíópíu hefur landið átt við slæman efnahag að stríða og er það meðal þeirra fátækustu í heiminum. Stjórnvöld hafa lagt áherslu á að vera sjálfbjarga og hefur það haft í för með sér að landið er ekki háð útflutningi eða verslun við erlenda aðila. Því eru takmarkanir á erlendum fjárfestingum í atvinnulífi landsins sem og á störfum hjálparsamtaka. Meira er lagt upp úr þjóðnýtingu heldur en einkavæðingu í atvinnulífinu og sést það best á því að flokkurinn, herinn og ríkið koma að nánast allri atvinnustarfsemi að einhverju leyti. Hagkerfið byggir mestmegnis á landbúnaði, en talið er að um það bil 80% landsmanna starfi við landbúnað. Sú staðreynd gerir landið afar berskjaldað þar sem þurrkar eru algengir á svæðinu. Erítrea á miklar auðlindir í jörðu, þar á meðal gull, kopar, sink, járn, magnesíum og marmara. Talið er að tekjur af vinnslu þessara auðlinda gætu verið verulegar, en þó er lítið unnið úr þeim enn sem komið er. Yfirvöld landsins hafa tilkynnt að þau ætli að notfæra sér verðstjórnun og vaxtaaðlaganir til að ná stjórn á efnahagsástandinu.

Kort

Tölfræði

Á þessari síðu er gildi fyrir landið Afganistan fyrir allar mælistikur (frá því ári sem síðast barst). Þú getur auðveldlega borið þessi gildi saman við gildi frá öðru ríki. Smelltu til að fá meiri upplýsingar um mælistikuna

  •  

    Erítrea

    Eining

    Syna mynd

    Heildarlandsvæði
    117 600
    1000 hektarar
    Notkun landsvæðis, ræktanlegt land
    6,8
    Hlutfall af heildarlandsvæði
  •  

    Erítrea

    Eining

    Syna mynd

    Fólksfjöldi
    5 069
    1000 íbúar
    Frjósemi
    4,3
    Frjósemi
    Lífslíkur
    62
    Ár
    Lífslíkur kvenna
    64
    Ár
    Lífslíkur karla
    60
    Ár
  •  

    Erítrea

    Eining

    Syna mynd

    Kjarnorka
    vantar gögn
    milljónir kílówattstunda (kWh)
  •  

    Erítrea

    Eining

    Syna mynd

    Alger fátækt
    vantar gögn
    Hlutfall
    Vannærðir íbúar
    0,0
    Prósent
  •  

    Erítrea

    Eining

    Syna mynd

    Hælisleitendur eftir komulandi
    1
    Einstaklingar
    Flóttamenn, eftir upphafslandi
    411 342
    Einstaklingar
    Flóttamenn, eftir komulandi
    2 549
    Einstaklingar
    Flóttamenn í eigin landi
    10 000
    Flóttamenn í eigin landi
  •  

    Erítrea

    Eining

    Syna mynd

    Fjöldi látinna í vopnuðum átökum
    57
    Fjöldi látinna á hverja 100 000
    Friðarvísir
    2,264
    Vísir, þar sem 1 er besta gildi og 5 er verst
    Fjárútlát til hernaðarmála
    20,9
    Prósent af VLF
  •  

    Erítrea

    Eining

    Syna mynd

    Barnadauði
    47
    Fjöldi á hver 1000 börn
    Fæðingar meðal ungra kvenna (15-19 ára)
    76
    Levendefødte per 1000 kvinner (15-19 år)
    Dánartíðni á meðgöngu
    501
    Dødsfall per 100.000 levendefødte
    Berklatilfelli
    78
    Tilfelli á hverja 100.000 íbúa.
  •  

    Erítrea

    Eining

    Syna mynd

    Aftökur
    0
    Fjöldi aftaka
    Pólitísk réttindi
    7
    Skali: 1-7 (1 er best)
    Fjölmiðlafrelsi
    84,24
    Skala der 0 er best
    Borgaraleg réttindi
    7
    Skali: 1-7 (1 er best)
  •  

    Erítrea

    Eining

    Syna mynd

    CO2-losun á hvern íbúa
    0,12
    Tonn af CO2 á íbúa
    Vistfræðileg fótspor
    0,4
    Hektar per person
  •  

    Erítrea

    Eining

    Syna mynd

    Lestrar- og skriftarkunnátta meðal ungs fólks
    93,3
    Fjöldi/hlutfall
    Ólæsi
    73,8
    Fjöldi/hlutfall
  •  

    Erítrea

    Eining

    Syna mynd

    Aðgangur að hreinu vatni
    57,8
    Prósent
  •  

    Erítrea

    Eining

    Syna mynd

    Verg landsframleiðsla
    2 607 739 837
    US Dollar
    VLF á mann
    544
    US Dollar