Bahamaeyjar
Bahamaeyjar eru kannski best þekktar sem ferðamannaparadís í Karabískahafinu. Efnahagstaða eyjanna er góð þrátt fyrir skort á náttúruauðlindum. Slæmt efnahagsástand á alþjóðamörkuðum hafa þó haft neikvæð áhrif á ferðamannaiðnaðinn.
Landafræði
Bahamaeyjar samanstanda af 15 stórum og nærri 700 litlum eyjum. Eyjaklasinn nær yfir 800 km, frá Haíti í suðaustri til Flórídafylkis í norðvestri, og eru um það bil 2400 rif og sandrif innan hennar. Fjórar stærstu eyjarnar, Andros, Great Abaco, Great Inagua og Grand Bahama ná yfir meira en tvo þriðju af heildar landsvæði eyjananna, þar sem finna má stór og mikil skógsvæði. Aðgangur eyjaskeggja að ferskvatni er mjög takmarkaður. Engar ár eru á svæðinu og regnvatn hverfur nánast samstundis ofan í gljúpan kalksteininn. Því þurfa íbúar eyjanna að safna saman regnvatni í brunna og laugar.
Á eyjunum er hitabeltisloftslag, þar sem veturnir eru mildir og sumrin hlý. Regntímabilið stendur frá júní og fram í september. Á haustin verða eyjarnar oft fyrir barðinu á hitabeltistormum, sem geta valdið gífurlegum eyðileggingum. Landið er mjög viðkvæmt fyrir loftlagsbreytingum og þolir vistkerfi sjávarins ekki mikla hitabreytingu. Þar sem 80% af landsvæðinu er einungis 1.5 metra yfir sjávarmáli, er landið mjög viðkvæmt fyrir hækkandi yfirborði sjávar.
Saga
Sagan segir að fyrsta stopp Kristófers Kólumbusar í “Nýja Heiminum”, hafi verið á Bahamaeyjum árið 1492. Spánverjar höfðu takmarkaðan áhuga á eyjaklasanum, þar sem lítið var um eðalsteina á þeim. Í staðinn nýttu þeir Arawakana, sjómenn Bahamaeyjanna, sem þræla í gullnámum annars staðar í spænska heimsveldinu. Í lok ársins 1520 var búið að flytja alla eyjarskeggja á brott. Það var ekki fyrr en 100 árum síðar þegar Bretar gerðu sér grein fyrir verðmætri staðsetningu eyjanna og gerðu þær að nýlendum sínum. Allt að 19. öld byggðist efnahagur íbúa eyjunnar af þrælasali, sjóránum og smygli. Hvíta yfirstéttin stjórnaði í 300 ár, en 1942 byrjuðu svartir verkamenn að mótmæla launamisrétti og 11 árum síðar varð fyrsti stjórnmálaflokkur landsins stofnaður.
Frjálslyndi flokkurinn (PLP) sameinaði svarta íbúa landsins og jukust áhrif hans jafnt og þétt þar til ársins 1973 þegar Bahamaeyjar fengu sjálfstæði frá Bretlandi og PLP fór með stjórn landsins fram til ársins 1992. Síðan að landið öðlaðist sjálfstæði hefur því verið stjórnað af tveimur stjórnmálaöflum. Frjálsa Þjóðarhreyfingin (FNM), var stofnuð árið 1973 og tók við völdum af PLP í kosningum árið 1992, en þá sat PLP undir ásökunum um spillingu. PLP tók svo aftur við völdum 10 árum seinna.
Vistfræðileg fótspor
2,5
Samfélag og stjórnmál
Frjálsa þjóðarhreyfingin FNM bar sigur úr bítum í kosningum árið 2007 og stjórnar Bahamaeyjum í dag. Þessa stundina er ekki mikill munur á milli FNM og PLP, en báðir flokkarnir eru miðjuflokkar. Bahamaeyjarnar eru samveldi, hluti af sambandi ríkjanna sem voru hluti af Breska heimsveldinu þar sem Englandsdrotting er þjóðhöfðingi Bahamaeyjanna, þó að hún gegni einungis táknrænu hlutverki. Samband Bandaríkjanna og Bahamaeyja er gott sem stendur, en sú hefur ekki alltaf verið raunin.
Eyjarnar hafa verið þekktar sem paradís fyrir peningaþvott og fíkniefnasmygl, en nú vinna yfirvöld á Bahamaeyjum með bandarísku landhelgisgæslunni að stöðva smygl og aðra ólöglega starfsemi.
Allt frá 7. áratug seinustu aldar, hafa margir íbúar Kúbu og Haíti flutt til Bahamaeyjanna í leit að atvinnu. Fjöldi óskráðra innflytjenda hefur aukist hratt á síðustu árum og hafa mannréttindarsamtök tilkynnt um ómanneskjulega meðferð á hælisleytendum.
Lífsgæði eru almennt góð á Bahamaeyjunum, en mikil misskipting lífsgæða er þó enn mikið vandamál. Velferðarkerfið er vel þróað og stendur gjaldfrjáls menntun til 12 ára, öllum til boða. Ofbeldi gagnvart konum er einnig enn stórt vandamál, en um helmingur allra kvenna sem myrtar eru í landinu, eru myrtar innan veggja heimilisins.
Lífskjör
53 av 188
Kort
Tölfræði
Á þessari síðu er gildi fyrir landið Bahamaeyjar fyrir allar mælistikur (frá því ári sem síðast barst). Þú getur auðveldlega borið þessi gildi saman við gildi frá öðru ríki. Sjá vísir
Mannfjöldi
Íbúar
412 623
Fæðingartíðni
Meðalfjöldi barna sem hver kona eignast
1,4
Barnadauði
Meðalfjöldi barna sem deyja áður en þau ná fimm ára aldri, miðað við hver 1000 fædd börn
13
Fátækt
Verg landsframleiðsla (VLF) á mann
Hér hefur landsframleiðslu verið skipt jafnt milli íbúa landanna og leiðrétt fyrir kaupmætti
33 189
Hungur
Hlutfall íbúa sem eru vannærðir
Loftslag
CO2-losun
Fjöldi tonna koltvísýrings sem hver íbúi losar
7,01
Heilsa
Bóluefni
Hlutfall barna sem eru bólusett fyrir mislingum
Drykkjarvatn
Hlutfall íbúa sem hafa aðgang að hreinu drykkjarvatni
Menntun
Læsi og skrifleg færni
Hlutfall íbúa, 15 ára og eldri, sem eru læs og skrifandi
Skólaganga
Hversu mörg ár er gert ráð fyrir að hvert barn gangi í skóla?
Jafnrétti
Kynjamismunun
Kynjamismunun á sviðum heilsu, aðkomu að mikilvægum ákvarðanatökum og atvinnuþátttöku.
