Búrúndi
| Staðreyndir | Tölfræði | Þúsaldarmarkmið Sameinuðu þjóðanna |
Búrúndi er fátækt land sem líður bæði efnahagslega og félagslega fyrir átökin á milli tútsa og hútúa.
Landfræði og umhverfi
Búrúndi er eitt af þéttbýlustu löndum Afríku. Landið er lítið og hefur ofbeit og ofnýting á landinu leitt til þess að mikið af upprunalegum gróðri landsins er horfið. Stór hluti landslagsins eru manngerðar hitabeltisgresjur. Hitabeltisregnskógur landsins er á láglendinu í vestri. Mikið mæðir á þeim litla skógi sem eftir er í landinu og berst Búrúndi við bæði jarðvegs- og skógareyðingu. Loftslagið er hitabeltisloftslag. Hitastigið er þó lægra í hálendum hlutum landsins. Tiltölulega stór hluti af Búrúndi liggur í 1500 til 2000 metra hæð yfir sjávarmáli.
Ef allt mannkyn myndi neyta til jafns eins og gerist að meðaltali í Búrúndi, þá þyrftum við 0.5 eintök af plánetunni Jörð. Sjá mælistikuna fyrir vistfræðileg áhrif.
Saga
Í Búrúndi eru 85 prósent íbúanna af hútú-þjóðflokknum en 14 prósent eru tútsar. Áður en Búrúndi varð belgísk nýlenda var landið konungsdæmi með lénsskipulagi, stjórnað af konungi sem ávallt var tútsi. Samt sem áður var ekki lögð nein sérstök áhersla á ætterni. Það var ekki fyrr en í nýlendutíð Þjóðverja og Belga í lok 19. aldar sem áhersla var lögð á það. Bæði Þjóðverjar og Belgar hygluðu tútsum og styrktu eigin stöðu með því að etja saman ólíkum ættbálkum. Þegar landið fékk sjálfstæði árið 1962 stjórnuðu tútsar hernum og tóku þess vegna völdin. Hútúar skipulögðu ýmsa andspyrnuhópa og tókst að lokum að ná völdum í kosningum árið 1993, þar sem hútúinn Melchior Ndadaye var kjörinn forseti. Hann var myrtur stuttu seinna sem kom af stað ofbeldisöldu gegn íbúum af tútsí-ættbálknum. Tútsar svöruðu með því að drepa hundruð þúsundir hútúa og í kjölfarið komst á borgarastyrjöld sem varaði til ársins 2000.
Samfélag og stjórnmál
Árið 2005 fékk Búrúndi nýja stjórnarskrá og lögunum frá 1962 sem hygluðu tútsum var skipt út. Hin nýju lög tóku skýrt fram að forsetinn og tveir varaforsetar skyldu vera af ólíkum etnískum uppruna. 60 prósent fulltrúa í ráðherranefndinni og þinginu skyldu vera hútúar og 40 prósent tútsar. Þrjú sæti á þingi skyldu tilheyra twa-ættbálknum sem um eitt prósent íbúa Búrúndi tilheyrir. Samkvæmt nýju lögunum mátti enginn ættbálkur hafa meira en 50 prósent stöðu í hernum.
Hagkerfi og viðskipti
Búrúndi er eitt af fátækustu löndum heims. Ástæðu þess má rekja til borgarastyrjaldarinnar á tíunda áratugnum og mikils pólitísks óstöðugleika í landinu. Að auki eru um það bil átta prósent íbúa landsins á aldrinum 15 til 49 ára sýktir af HIV/AIDS og stöðugt fleiri smitast. Landið er háð þróunaraðstoð. Um helmingur af vergri landsframleiðslu kemur frá landbúnaði en mikið af jarðnæði er ofnotað. Kaffi er ¾ af öllum útflutningi og er efnahagsástand landsins nátengt verði á kaffi á heimsmarkaði. Búrúndi líður einnig fyrir það að landið er erfitt yfirferðar, grunngerð landsins er illa skipulögð og flytja þarf útflutningsvörur langar vegalengdir því það er langt frá landbúnaðarsvæðunum til hafnar við Tanganyika-vatnið.
Other country profiles
Heimsálfa/svæði
Afríka
Gervihnattamyndir
Bujumbura
Aðild/þátttaka
Afríkusambandið
Alþjóðabankinn
Alþjóðagjaldeyrissjóðurinn
G77
Ríki utan hernaðarbandalaga
Sameinuðu þjóðirnar (SÞ)
Vanþróuðustu löndin
Þróunarlönd án aðgangs að sjó
Búrúndi varð aðildarríki SÞ árið 1962.
Búrúndí
Átökin á milli hútúa og tútsa er aðalástæða þess að erfitt er að búa í Búrúndí.
Lesa meira
Hin vopnuðu átök í Austur-Kongó hafa verið kölluð bæði fyrsta heimsstyrjöld Afríku og gleymda stríðið. Átökin hafa fengið takmarkaða fjölmiðlaathygli þrátt fyrir þátttöku margra afrískra landa í þeim.
Lesa meira
Höfuðborg:
Bujumbura
Þjóðernishópar:
Hútú 85%, tútsí 14%, twa 1%
Tungumál:
Kirundi, franska, swahili
Trúarbrögð:
Kristnir 67%, hefðbundin trúarbrögð 23%, múslímar 10%