Nígería
| Staðreyndir | Tölfræði | Þúsaldarmarkmið Sameinuðu þjóðanna |
Nígería er eitt af þéttbýlustu löndum Afríku og eru íbúar landsins af mörgum ólíkum ættbálkum. Landið er ríkt af náttúruauðlindum en þjáist af margra ára stjórnmála- og efnahagslegri óstjórn.
Landfræði og umhverfi
Suðurhluti landsins er láglendur með hitabeltisloftslagi og regnskógi, en norðurhluti landsins er hálendi. Vegna frjósamrar jarðar er Nígería hagstætt landbúnaðarland, auk þess sem mikið er af olíu- og gaslindum í landinu. Undanfarin ár hefur olíuvinnsla leitt til mikilla og alvarlegra umhverfisvandamála: bæði vatn, loft og jörð eru menguð. Svæði sem áður voru notuð til landbúnaðar eru nú eyðilögð vegna olíuúrgangs. Hröð skógareyðing er einnig í Nígeríu.
Ef allt mannkyn myndi neyta til jafns eins og gerist að meðaltali í Nígería, þá þyrftum við 0.8 eintök af plánetunni Jörð. Sjá mælistikuna fyrir vistfræðileg áhrif.
Saga
Fyrir 10 þúsund árum bjó fólk á því svæði sem nú heitir Nígería. Hin svokallaða Nok-menning, frá um það bil 500 f.Kr. til 200 e.Kr., er elsta járnaldarsamfélagið sem upprunnið er frá Afríku sunnan Sahara. Áður en svæðið varð nýlenda Breta í upphafi tuttugustu aldar var því skipt á milli margra ólíkra konungdæma. Landið var nýlenda Breta fram að sjálfstæði þess árið 1960. Þremur árum síðar var lýst yfir lýðveldi í Nígeríu. Árið 1967 braust út borgarastríð í landinu, þegar hérað í suðaustri, Biafra, lýsti yfir sjálfstæði. Borgarastríðið kostaði mörg hundruð þúsund manns lífið, flestir dóu úr hungri. Biafra tapaði stríðinu og er enn hluti af Nígeríu, en öfl í héraðinu berjast enn fyrir sjálfstæði.
Samfélag og stjórnmál
Skammvinnar herstjórnir hafa einkennt stjórn Nígeríu frá sjálfstæði landsins, auk stjórnmálalegs óstöðugleika, valdarána, morða á stjórnmálaleiðtogum og spillingar. Í dag er landinu stjórnað af Olusegun Obasanjo. Hann var einræðisherra í landinu frá lokum áttunda áratugar síðustu aldar, en var árið 1999 kjörinn forseti Nígeríu. Hann var við stjórn í sextán ár. Obasanjo vann einnig kosningarnar árið 2003, en var sakaður um kosningasvindl. Nígerísk stjórnvöld eru þekkt fyrir spillingu og fyrir að myrða stjórnarandstæðinga. Alþjóðasamfélagið fordæmdi aftöku rithöfundarins Ken Saro-Wiwa og átta annarra mannréttindasinna árið 1995. Þeir gagnrýndu allir stjórnvöld, börðust gegn spillingu og fyrir umhverfisvænni úrvinnslu olíu. Þeir börðust einnig fyrir því að stærri hluti tekna af olíuiðnaði landsins skilaði sér inn í nígerískt samfélag. Í dag fer stærstur hluti hagnaðarins í vasa alþjóðlegra fyrirtækja.
Hagkerfi og viðskipti
Árið 1960 stóðu landbúnaðarvörur undir um það bil 80 prósentum af útflutningstekjum landsins. Miklar tekjur af útflutningi á olíu á áttunda og níunda áratugnum gerðu það að verkum að landbúnaður fékk á sama tíma minni pólitískan forgang og mikið dró úr bæði útflutningi og framleiðslu. Ásamt gífurlegri fólksfjölgun hefur þetta leitt til þess að Nígería hefur undanfarin ár neyðst til þess að flytja inn landbúnaðarvörur. Efnahagur landsins þjáist vegna margra ára spillingar og milljónir dollara frá olíuiðnaðinum hafa horfið. Erfiðar aðstæður á alþjóðamörkuðum hafa að auki þess leitt til minnkandi olíutekna.
Other country profiles
Heimsálfa/svæði
Afríka
Gervihnattamyndir
Nigeróseyrarnar
Aðild/þátttaka
Afríkusambandið
Alþjóðabankinn
Alþjóðagjaldeyrissjóðurinn
ECOWAS
G77
Mannréttindaráðið
OPEC
Ríki utan hernaðarbandalaga
Sameinuðu þjóðirnar (SÞ)
Samveldið
Nígería varð aðildarríki SÞ árið 1960.
Nígería
Í Nígeríu eru stöðug átök á milli múslíma og kristinna, auk þess sem olíuauðlindir landsins hafa skapað mikil umhverfis- og ofbeldisvandamál.
Lesa meira
Höfuðborg:
Abuja
Þjóðernishópar:
Hausa/fulani 29%, yoruba 21%, igbo 18%, ijaw 10%, kanuri 4%, ibibio 3.5%, tiv 2.5%
Tungumál:
Enska, hausa, yoruba, igbo, fulani
Trúarbrögð:
Múslímar 50%, kristnir 40%, hefðbundin trúarbrögð 10%