Sýrland
| Staðreyndir | Tölfræði | Þúsaldarmarkmið Sameinuðu þjóðanna |
Sýrland var áður miðstöð elstu siðmenningar heims, en er í dag olíuframleiðsluland með einræðisstjórn þar sem fólksfjölgun er mikil.
Landfræði og umhverfi
Sýrland samanstendur að mestu leyti af fjöllum og sléttum sem þekja þrjá fjórðu landsins. Sléttu- og fjallalandslagið er í miðju landinu, á milli raka strandsvæðisins í vestri og hálfþurra eyðimerkursvæðisins í suðausturhluta landsins. Vegna lítillar úrkomu á sléttunum hafa yfirvöld sett af stað stórt áveituverkefni til að bæta gæði lands og auka hlut landbúnaðarlands. Fráveitur og mengun frá olíu og iðnaðargeiranum, ásamt aukinni fólksfjölgun, hafa leitt til skorts á hreinu vatni. Lítil úrkoma hefur einnig orsakað vandamál tengd skógareyðingu, ofbeit, jarðvegseyðingu og eyðimerkurmyndun.
Ef allt mannkyn myndi neyta til jafns eins og gerist að meðaltali í Sýrland, þá þyrftum við 0.8 eintök af plánetunni Jörð. Sjá mælistikuna fyrir vistfræðileg áhrif.
Saga
Sýrland var áður fyrr mikilvæg samgönguleið fyrir viðskipti á milli Egyptalands, Litlu-Asíu og Babylóníu, og vettvangur fólksflutninga og stríðsátaka. Frá því árið 1516 og fram til loka fyrri heimsstyrjaldarinnar var Sýrland hluti af hinu tyrkneska Ósmanaríki. Árið 1920 var Sýrland franskt verndarsvæði og fékk sjálfstæði árið 1944. Á meðan á sex daga stríðinu stóð árið 1967 missti Sýrland Gólanhæðir til Ísraels. Sýrland gerði tilraun til að fá svæðið tilbaka árið 1973, en það mistókst. Samkomulagið við nágrannalandið Ísrael hefur síðan þá verið stirt. Árið 1970 tók Hafez al-Assad í arabíska sósíalistaflokknum Baath völdin í friðsamlegu valdaráni. Einræðisstjórnin hefur verið við völd síðan, og þegar forsetinn lét lífið árið 2000, tók sonur hans Bashar al-Assad við forsetaembættinu. Árið 1976 tók Sýrland þátt í líbananska borgarastríðinu. Það var ekki fyrr en árið 2005 sem Sýrland dró herlið sitt út úr landinu vegna þrýstings frá alþjóðasamfélaginu og líbönsku stjórnarandstöðunni.
Samfélag og stjórnmál
Formlega séð er Sýrland þingbundið lýðveldi, en í reynd hefur landinu verið stjórnað eins og einræðisríki. Valdið liggur að mestu leyti hjá forsetanum og nánustu ráðgjöfum hans í hernum og öryggissveitunum. Stjórnarandstaðan í landinu er kúguð og lítil virðing er borin fyrir mannréttindum. Sýrland hefur frá því árið 1979 verið á hryðjuverkalista Bandaríkjanna og hafa bandarísk stjórnvöld einnig sett viðskiptabann á Sýrland. Ástæða viðskiptabannsins er sú að forsetinn hefur verið sakaður um að styðja við líbönsku síjamúslömsku hernaðarsamtökin Hizbollah.
Hagkerfi og viðskipti
Efnahagur Sýrlands og viðskipti byggist aðallega á landbúnaði, iðnaði og olíu. Olía er mikilvægasta tekjulind landsins. Áður fyrr flutti Sýrland aðallega inn hrávörur frá öðrum löndum, en vegna aukinnar áherslu stjórnvalda á landbúnaðargeirann, framleiðir og flytur Sýrland nú út eigin landbúnaðarvörur eins og bómull, ávexti og grænmeti. Stórum hluta viðskiptalífsins, þjónustugeirans og olíuiðnaðarins er stjórnað af ríkinu og er í eigu þess. Frá því á tíunda áratug síðustu aldar hafa stjórnvöld smám saman reynt að bæta efnahaginn og auka frjálslyndi, en landinu hefur ekki tekist að komast inn á heimsmarkaðinn. Næstum 60 prósent af íbúum landsins eru undir 20 ára og er atvinnuleysi um það bil 20-25 prósent.
Other country profiles
Heimsálfa/svæði
Asía
Gervihnattamyndir
Damaskus
Aðild/þátttaka
Alþjóðabankinn
Alþjóðagjaldeyrissjóðurinn
Arababandalagið
G77
Ríki utan hernaðarbandalaga
Sameinuðu þjóðirnar (SÞ)
Sýrland varð aðildarríki SÞ árið 1945.
Gólanhæðir (Sýrland og Ísrael).
Ísrael hertók Gólanhæðir sem tilheyrður Sýrlandi, árið 1967 og hefur frá árinu 1981 haldið því fram að þær séu ísraelskt yfirráðasvæði. Alþjóðasamfélagið krefst þess að Ísrael skili svæðinu tilbaka.
Lesa meira
Höfuðborg:
Damaskus
Þjóðernishópar:
Arabar 90.3%, kúrdar, armenar og aðrir 9.7%
Tungumál:
Arabíska (opinbert), kúrdískar mállýskur og armenskar mállýskur minnihlutahópa. Franska og enska eru einnig notuð.
Trúarbrögð:
Súnní-múslimar 74%, alawitter, drusar og aðrir múslímskir minnihlutahópar 16%, kristnir 10%, gyðingar (lítið samfélag í Damaskus, Al Qamishli og Aleppo)